#القهوة
هنتكلم النهاردة عن كل ما يخص القهوة بما انها مصدر للطاقة قبل التمرين لمعظم الشباب المصري فا حبيت اوضحلكوا حبة حقايق عنها كدة في السريع
-اول حاجة هنقولها ايه فوايد القهوة؟؟!
فوايد القهوة كتيرة بشكل عام و دا لاحتوائها علي مضادات اكسدة و كمان احتوائها علي الكافيين واللي يعتبر اهم عنصر فيها و دا لانه بيمتص في الدم و بيروح علي المخ و بيحفز انتاج هرمونين بيفيدو في ضخ دم و تحسين الحالة المزاجية و التركيز و هم (norepinephrine و ال dopamine)
-كمان الكافيين ليه تأثير كبير في عملية ايض الدهون و بعض الدراسات اثبتت انه بيزود نسبة الحرق من 3 ل 11% كمان بيزود افراز هرمون ال Epinephrine و اللي بيعلي قوة جسمنا البدنية و كمان بيساعد علي تكسير الخلايا الدهنية و استخدامها كمصدر طاقة و كمان يقدر يزود اداء جسمنا البدني بنسبة من 11 ل 12%
-كمان القهوة فيها بعض الفيتامينات و المعادن زي (B2 و B5) و معادن زي البوتاسيوم و الماجنزيوم
-تعالي نعرف الجرعات اللي جسمنا ممكن ياخدها من الكافيين و هي من 0 ل 500 ملييجرام و دي تعتبر انسب نسبة امنة ممكن تشربها و تختلف نسبة الكافيين علي حسب نوع البن و هكتبهالكوا من الاكتر ل الاقل
-البن الفاتح السادة
-البن الفاتح المحوج
-البن الوسط السادة
-البن الوسط المحوج
-البن الغامق السادة
-البن الغامق المحوج
و دا علشان كل ما البن بيتحمص اكتر بيفقد مكوناته الغذائية
وبكدة نكون عرفنا كل حاجة عن القهوة
إرسال تعليق