المقال للناس المدخنين اكتر وحبينا نتكلم عن التدخين لأن تقريبا معظم الشباب بقت تدخن دلوقت وبقت موضة
وان شاء الله نعرفكم ف البوست عن أضرار التدخين وازاى تتعامل معاه
زهقت من كلام الناس اللى بتقولك #بطل_سجاير
#بطل_تدخن
وحاولت كتير ومقدرتش
انا مش هقولك بطل سجاير , لكن انا انهاردة عاوز اوضحلك شوية حاجات تخلي بالك منهم
شوية مواعيد تاخد بالك منها, بحيث انك متزودش الضرر بتاع التدخين اكتر, وزي ما بيقولوا
" نص العمي ولا العمي كله "
* اوعي تشرب سجارة اول لما تصحي من النوم , الوقت دا جسمك بيبقي مستني اى حاجة تديله النشاط وتنشط الدورة الدموية , والسجاره ال انت هتشربها الصبح هتبوظلك الدنيا ف موضوع النشاط والفوقان , وكمان ممكن تخليك متدخلش الحمام الصبح .
** اوعي تشرب سجارة بعد الاكل ..... اومال #محبسش_يعني يا دكتور ؟
انت كدا مش بتحبس ولا حاجة , انا عارف ان اصلا دي من اكتر السجاير ال كل ال بيدخنوا بيحبوها
لكن فعلا هي من اكتر الاوقات #ضررا , خصوصا لو بتدور ع انك تستفاد من ال اكلته باكبر شكل ممكن
( عاوز تشرب سجارة بعد الاكل , ع الاقل يكون عدي ساعة بعد الاكل)
*** اوعي تشرب سجارة #بعد_التمرين_مباشرة ... من اسوأ الحاجات اللى ممكن تعملها , كاستفادة من التمرين و ضخ الدم للعضلة , فانت ع الاقل عدي 60 د بعد التمرين , ع اول سجارة تفكر تشربها
ع الاقل تدي وقت لجسمك وللرئة انها تنضف نفسها , وتتخلص من الرواسب بمساعده نشاط الدورة الدموية ال بيحصل بسبب التمرين .
#لو_مش_قادر_تبطلها , فا ع الاقل متأثرش ع نفسك بالسلب اكتر
وخلي بالك من ال 3 نصايح دول
وربنا يوفقك ويقويك وتبطلها
" ونصيحة مهمة جدا وبعيد عن اى حاجة , اي شخص جنبك ملوش اى ذنب انه يستنشق الدخان ال بتطلعه
وتأذيه فارجوك اوعي تشرب سجاير جنب اى حد وتأذيه
شير ف الخير وف التوعية ,,, والنصيحة لوجه الله
إرسال تعليق