14نصيحه للدايت

الفرق بين الحقيقة والخرافة ‼️

شويت حجات للازم تفهمها اول  ما تنزل جيم او تعمل دايت 

❌اتمرن ٣ ساعات عشان تعلي المجهود والحرق يزيد وتخس وتبني عضل اسرع 

✅التمرين ميزيدش عن (٤٥ دقيقه بالكتير ساعه )لان هرمون جي اتش بيهبط  وهرمون الانسولين بيكون اعلي وقتها  بيبدا الجسم ف مرحلة الهدم العضلي ولو محتاج تلعب كارديو مع الحديد والساعه مش هتكفيك اقسم التمرين  مرتين على مدار اليوم تمرينه الصبح وتمرينه بليل 

❌ النسكافيه بيوقف الحرق 

✅ النسكافيه و القهوة فيهم مادة الكافيين و الدراسات اثبتت إنها بتزود الحرق و بتساعد في نزول الوزن بس طبعا لو عاملين دايت يبقي مافيش سكر 

❌المكملات بتجيب عقم و سرطان و بتترسب على الكبد و الكلى

✅ المكملات زيها زي الاكل بالظبط ملهاش اي اعراض جانبية لو استخدمتها صح 

و طول ما انت بتاخد النسب مظبوطة و كليتك بحالة كويسة فعمرها ما تترسب على الكلى ، دة حرفيا مستحيل 

اللي بتجيم عقم دي الهرمونات 

❌العقلة بتطول و تمرين الرجل بيقصر و يوقف النمو 

✅ العقلة بتشتغل على عضلات الضهر و الكتف و الدراع و ملهاش اصلا اي تأثير على الطول 

✅ تمارين الرجل هتزودلك هرمون التيستيرون و هرمون النمو و دة ممكن يساعدك في النمو و الطول مش العكس 

❌جسمك مش هيستفاد لما تاخد اكتر من ٣٠ جم بروتين في الوجبة 

✅ كل الابحاث الجديدة اثبتت ان اي كان عدد جرامات البروتين في الوجبة الواحدة لو جسمك محتاجها هيهضمها و يستخدمها كلها 

❌ البنت مينفعش تتمرن حديد و تشيل اوزان عشان هيبقى عندها عضلات زي الرجالة 

✅ الرجالة عندهم هرمون التيستيرون اللي بيساعدهم على بناء العضلات 

و البنت عندها نقص كبير في الهرمون دة قصاد هرمونات الانوثة 

فلما تشيل اوزان شكل جسمها هيبقى احسن و انوثتها هتزيد 

❌ مينفعش اشرب مياه وسط الاكل او بعد الاكل عشان الكرش 

✅ المياه ملهاش اي دعوة بالكرش وقت الاكل 

المياه حلوة و مفيدة في اي وقت 

❌ العضلات بتتحول لدهون لو سبت التمرين 

✅ العضلات و الدهون انسجة مختلفة 

يعني مينفعش يتحولوا لبعض 

الفكرة انك بتريح من التمرين و بتاكل نفس الاكل 

فعضلاتك الضغط اللي عليها اتشال فهتخس و دهونك هتزيد لما تفضل تأكل كتير من غير مجهود 

❌ تمارين البطن بتنزل الدهون على البطن 

✅ حط القاعدة دي في دماغك 

عضلات يعني تمرين و دهون يعني دايت 

يعني مفيش عضلات من غير تمرين و لا فيه نزول دهون من غير دايت 

فعضلات البطن بتظهر لما تنزل الدهون اللي عليها بالدايت بس 

✅ عدد الوجبات أهميته ضئيلة قصاد عدد السعرات 

يعني مش شرط تاخد عدد وجبات قليله او كتير قد ما هو شرط انك تأكل أقل من احتياجك عشان تخس 

و عشان كدة عملوا نظام الصيام المتقطع اللي بتاكل فيه وجبتين بس و بتخس بكفاءة كويسة عادي والنظام دا مش لحد عايز يعمل شيب 

  .

❌متاكلش كارب بليل عشان متتخنش 

✅الكارب مالوش معاد معين غير لو هتاخد منه طاقه قبل التمرين و باقي اليوم كل كارب براحتك طالما ف معدل سعراتك