هل السمنة وراثية؟
مجموعة من العلماء والباحثين في جامعة كامبريدج البريطانية و من خلال دراسة على عدد من المتطوعين أن العامل المسبب لشعورالمُصابين بالسمنة بالجوع المستمر وبطء عمليات الأيض او الحرق هو بسبب طفرة في الجين (KSR2 ) و ده بيزود فرصة اصابتهم بالسمنة حتى لو بياكلو كميات قليلة من الاكل .
كمان وجود خلل في الغده الدرقية وبيتوارث في اجيال الاسرة الواحده عامل مسبب للسمنة الوراثية .
لكن هل ده معناه ان السمنة امر مفروض عليك بسبب جيناتك الوراثيه ؟
لا بشكل قاطع
العامل الوراثي ممكن يحدد اماكن تجمع الدهون دي حقيقه في كل اسرة زي البطن او الصدر او الارجل و تفاوت معدلات الحرق
لكن العامل الاساسي هو نمط الاسرة الغذائي المتشابه
يعني لو الاب و الام ورثو عادات غذائيه غير صحية بالاضافه لعدم حب الرياضه و قلة الحركة وورثوها من الجد و الجده ثم للابناء
كمان لو في تاريخ مرضي نفسي واستخدام ادويه ومضادات اكتئاب بتلعب دور في زياده الوزن .
الخلاصة:
ايوه لو انت عندك تاريخ وراثي هايكون له تأثير على وزنك دي حقيقه لكن مع الاكل الصح و الرياضه و الاستمرارية والصبر كل ده ممكن يتغير
صحيح هاتحتاج تبذل مجهود زياده شويه عن انسان محظوظ في جينات وتاريخ اسري احسن شويه بس ده مش المفروض يكون عائق قدامك
وكمان اولادك لازم يكونو حافز ليك انك تديهم فرصه احسن من اللي انت اخدتها
غير من نفسك علشان هم كمان يتغيروا
إرسال تعليق